好耐…好耐…好耐都冇三口子入園玩啦，謝謝 迪士尼樂園 邀請等我地三口子可以入園開開心心玩返一日，仲預早嚟感受聖誕節嘅氣氛！
今年除左有聖誕氣氛之外，成個樂園都充滿愛心，因為有一連串嘅慈善活動。首先就係聖誕心願慈善明信片，以十元購買一張明信片，當投入聖誕心願郵筒之後，就會幫我地免費寄出，所有明信片義賣所得款項將全數撥捐「愛心聖誕大行動」。
另外，我載住嘅Minnie Wishmas Ears係咪好靚呢？係聖誕期間每買一對，迪士尼都會捐HK$50俾Make-A-Wish，令有需要嘅兒童願望成真呀！
今日我地可以話由朝玩到晚，仲睇左「米奇與好友聖誕舞會」、「《魔雪奇緣》飄雪時刻」同埋「夢想成真聖誕樹亮燈禮」、「聖誕高飛歡送時刻」，睇住歌舞再加埋飄雪效果再配合埋凍凍地嘅天氣，真係好有FEEL呢。值得一題…係「米奇與好友聖誕舞會」表演前，我地仲欣賞左「社區樂韻樂飄揚」，由本地社區合唱團「腎兒聲夢合唱團」為我地表演添。
當然唔少得我嘅集郵活動，除左同首次登場嘅聖誕米奇影相之外，我地仲去左《魔雪奇緣》小鎮，搵換左新裝嘅Elsa 同Anna影相。唯一美中不足就係同唔到小白同埋聖誕史迪仔嚟個親密接觸，希望之後仲有機會可以入園搵佢地啦！
我地仲嚟左個特別節目，就係體驗左酒店園區除夕「黃昏慶祝派對」限定嘅手工藝工作坊，整左閃閃嘅米奇棒棒，拎住嚟倒數就啱晒。
今次小小豬有Daddy同SY哥哥陪玩，佢都話玩得超級興奮呀~
????小小豬Kinsey????
? Blogger：http://www.kinseymama.com/
? FB page：https://www.facebook.com/kinseymama/
? IG：https://www.instagram.com/kinsey_mama/
? YouTube：http://www.youtube.com/c/小小豬Kinsey
